نجل الفنانة نادية العراقية يحيي ميلادها بزيارة قبرها
قام نجل الفنانة ” نادية العراقية ”باحياء ذكرى عيد ميلادها من خلال زيارة قبرها، حيث فارقت الحياة وانتقلت الى ربها يوم الاحد الموافق 16 مايو.
نشرت مي محروس إبنة نادية العراقية صورة لأخيها أدهم وهو جالس الى جانب قبر والدته وبيده باقة من الزهور ووجبة سوشي وهي من الوجبات المفضلة للفنانة الراحلة .
- حورية فرغلي ترد لاول مرة بعد تكذيب أمينة خليل صلة قرابتهما
- مي العيدان تمدح هالة صدقي: “قسما بالله كبرت بعيني”
كما ونشرت مقطع فيديو عبر حسابها الشخصي على موقع التواصل الاجتماعي فيس بوك يضم مجموعة من الصور لوالدتها وعلقت عليها قائلة: ” ماما أول عيد ميلاد ليكي متبقيش جنبنا ومعانا .. أكيد أنتي دلوقتي في الجنة ومبسوطة مع الملائكة وتيتا وجدو وأخواتك ” .
وأضافت: ” كان نفسي أقولك كل سنة وأنتي طيبة وأبوسك وأحضنك وأعملك مساج زي ما كنتي بتحبي .. والله يا ماما أنا مش مستوعبة إنك خلاص مشيتي وسبتينا من غيرك اتكسرنا من غيرك يا أمي أنا فعلاً مش قادرة أعيش من غيرك أنا عايزاكي وعايزة أشوفك بس عارفة أنه مينفعش لأنك عند ربنا الرحمن الرحيم وأكيد مبسوطة ” .
وتابعت: ” شكراً يا ماما على كل لحظة عشتيهالنا وعلى كل لحظة ضحكتينا وطبطبتي علينا أنا بحبك أوي بجد يا روحي .. دايماً كنتي بتحمينا و حتى لما مشيتي بتحمينا .. أنا بحس بيكي حواليا وبحس بأنك بتطبطبي علينا .. الحمدلله ربنا مصبرنا بس إحنا موجوعين أوي يا ماما محدش فينا مستوعب إحنا حاسين أنك مسافرة زي كل مرة وراجعة تاني وسطنا ” .
واختتمت حديثها: ” عمري ما كنت اتخيل أني هكتب كده ولا إني هحس الإحساس الصعب ده كنت دايماً واثقة إنك هتفضلي عايشة وربنا هيفتكرني قبلك بس ربنا أراد حاجة تانية الحمدلله .. ماما الله يرحمك و يكرمك بجنته وسامحيني على أي حاجة .. كل سنة جاية وأنتي في الجنة وبين إيدين ربنا .. بحبك وتعاليلي في الحلم أشوفك ” .
