أحمد كرارة لمها أحمد : “نفوس وقلوب سودا “
قام الفنان أحمد كرارة بالدفاع عن شقيقه الفنان أمير كرارة من خلال نشر منشور له عبر حسابه الشخصي على موقع التواصل الاجتماعي ” فيس بوك “حيث تعرض أمير الى هجوم لاذع من قبل الفنانة مها احمد واتهمته بالاستعلاء عليها وعدم الوقوف بجانبها .
نشر أحمد كرارة صورة له مع أخيه أمير وعلق عليها قائلا: ” حبيت أكون من آخر الناس اللي هتتكلم على أمير كرارة علشان محدش يقول ما أنت أخوه ولازم تقول كده ”
وأضاف: ” اعتقد بعد حب الناس الكثيرة قوي اللي اتكلمو عنه بالخير النهاردة بيبين قد إيه إن في نفوس وقلوب سودا بتتمنى الأذى للناس الناجحة .. أنا بحمد ربنا إن أمير كرارة أخويا لأنه جدع وحنين وقلبه أبيض وتعب وشاف المر اللي محدش يعرف عنه حاجة ” .
وتابع: ” بيعمل خير كتير محدش يعرف عنه حاجة علشان كده ربنا بيكرمه في شغله وكرمه النهاردة بكل الناس النضيفة اللي اتكلمو عنه بكل خير وواثق أن ولا واحد منهم كتب كلام مجاملة ليه ” .
واختتم قوله : ” امير كرارة أخويا باشا مصر ونجم بأخلاقه وحب الناس .. ربنا يحفظك يا أمير ويبعد عنك النفوس السودة والحاقدين أنت وأخواتي كلهم الطيبين “
