شاهد.. رانيا يوسف: أنا مجنونة ولو حبيت هدخل العلاقة بدون زواج
قالت الفنانة المصرية رانيا يوسف، إنها مائلة بشكل دائم للأفكار المجنونة، وذلك في إطار حديثها عن مسلسلها الذي أحدث ضجّة واسعة “الآنسة فرح”، المأخوذ عن المسلسل الأمريكي “Jane the virgin”، والذي قدمت من خلاله شخصية “دلال”.
وأقرت الفنانة رانيا يوسف، أنها شخصية “مجنونة” في الواقع، معقبة في مقابلة تلفزيونية عبر شاشة Mbc مصر في برنامج “ليلة الخميس”: “أنا مجنونة.. وبحب أتجنن وأفكر بطريقة مختلفة.. الحاجات اللي مش بطريقة تقليدية.. والفكرة أحيانا تشدك وتخليكي تعمليها”.
وفاجأت رانيا يوسف متابعيها برأيها في الزواج مجددًا فقالت: “زيجاتي مكانتش ناجحة خالص”، مشددة في قرارها بعدم الزواج مجددًا، ولكن إذا دخلت قصة حب ستكمل علاقتها دون زواج.
وأردفت رانيا يوسف قائلة: “خلينا نتكلم عن مسألة نجاح الجواز.. الجواز مش ناجح خالص مبدئيًا، وفكرة الجواز مش ناجحة أساسًا، إلا لو اتنين حبوا عيوب بعض قبل المميزات، وتخيلوا شكلهم وهما عواجيز، وحبوا إنهم يكبروا مع بعض”.
وتابعت الفنانة المصرية التي تعرف بإثارة الجدل: “اللي بيحصل دلوقتي إن الشباب بيتجوز صغير وبعدين الست تحمل وتخلف، والأمور تتغير وعشان كده أنا بنصح البنات ميتجوزوش قبل سن التلاتين عشان الواحد بيبقى أنضج وأعقل شوية، وعارف هو عايز إيه في الجواز ويكون عمل مستقبله واسمه وفلوس، والاختيار هيفرق كتير”.
رأيها في الجواز وفساتينها الترند ..كواليس حياة رانيا يوسف في #ليلة_الخميس#MBCMASR
ممكن تتابع كل اللي فاتك من برنامج #ليلة_الخميس مع ياسمين عز من خلال شاهدhttps://t.co/59mlnFuwXQ pic.twitter.com/kzzebV7SjD— MBC مصر (@mbcmasr) January 14, 2021
واستأنفت رانيا يوسف: “أنا جربت الزواج مرتين بعد التلاتين والحقيقة مكنتش عايزة اتجوز بس المجتمعات العربية بتجبرك، وأنا كرانيا مش هتجوز تاني ولو حبيت هكمل قصة حب من غير جواز”.
وبررت رانيا يوسف رفضها للزواج قائلة: “الجواز بالنسبة ليا بيت وأسرة وعيال، وأنا عندي أطفال ولو فيه قصة حب حلوة هتبوظ بالجواز، والضغط اللي بيعمله الجواز بيبوظ الجواز، وبيبقى حب شكله تاني مش الحب الرومانسي، وبيكون حب عقلاني أوي أوي”.
وأضافت: “الرجالة هيزعلو.. ما يزعلوا.. هما كده كده بيهاجموني”.
وفي حديثتها عن بناتها قائلة: “أنا عندي ياسمين الكبيرة ودي سنها 20 سنة، ونانسي عندها 17 سنة، ونانسي مثلت معايا في مسلسل (أسوار).. ولكن لا أعتقد أنها ستكمل في موضوع التمثيل.. ومش أنا اللي هقرر ده”.
