الفنانة رباب ممتاز تكشف عن تفاصيل حالتها الصحية
قامت الفنانة رباب ممتاز بالكشف عن التفاصيل المتعلقة بوضعها الصحي، حيث اعلنت عن فقدانها حاستي الشم والتذوق من أمس الأربعاء، وذلك بعد مرور أيام على تلقيها هي ووالدتها العلاج في المنزل نتيجة شعورهم بالتعب.
كتبت رباب على حسابها الشخصي على فيس بوك:”قلت أبعت لكم صورة من حلقة النهاردة حلاوتهم جابت أربعة، وبالمرة أقولكم أنا فقدت حاسة الشم والتذوق النهاردة، بس طول شغلي كنت بدعي ربنا يسترها معايا، بس واضح إني كنت لازم اتعب ومكملش فرحه بشغلي، الحمد لله على كل حال لما نشوف أخرتها إيه ،كل سنه وانتوا طيبين ويارب تشفي كل مريض وارحم أمواتنا وكمل شفاء أمي”
وكانت قد كتبت سابقا:”شكرا لكل من بعت واتصل وسأل عني، أنا باخد الدوا مش أحسن حاجه، بس الحمد لله، وأنا أمي كان بقالي شهور مش شفتها، جت لي فطرت عندي، تعبت أنا وهي، أمي شويه تعبانة دعواتكم، أنا بحاول أعافر أنا مفيش حد ملتزم قدي أرجوكم التباعد حتى لو عن الأهل، الموضوع صعب والألم أصعب، بإذن الله تكون بسيطه ويخفف ألم كل مريض يارب محدش يسألني كورونا أو لا احنا لسه بتاخد الأدوية وربنا يستر دعواتكم “.
تشارك الفنانة رباب في الموسم الرمضاني الحالي في مسلسل “موسى” بطولة الفنان محمد رمضان حيث تتقمص فيه دور سماح، ومسلسل “ضل راجل” بطولة الفنان ياسر جلال وتتقمص فيه شخصية سميحة.
